新加坡搞國際會議都算搞到出神入化，有間新加坡展覽公司，密鑼緊鼓準備喺十一月底，一連五日喺星洲舉行一個叫做「女性之光2002」（WomenInspire2002）嘅大型活動表揚女性嘅成就，會搵嚟新加坡、大馬、泰國、香港、中國等總共二萬幾位傑出女性出席。
到時唔單止會頒獎，對主辦單位嚟講嘅重頭戲，梗係一連三日嘅展銷會啦，重一定唔少得時裝、美容產品、健身用品呢啲搶到唔少女人生意嘅商品！呢個活動得到新加坡旅遊局、商會嘅支持。嘩！用晒亞洲區嘅成功女性做招徠，順便拓展商機，係咪幾好橋呢？香港人都要學吓嘢嘞！
傳真︰2623-9278
電郵︰