前綫噚晚喺尖沙嘴皇上皇搞咗個六周年大型聚餐活動，卿姐真有面，請到唔少問責局長嚟，包括孫公、林瑞麟、唐英年、常秘就有李麗娟同梁展文，自由黨嘅張宇人同劉健儀都有嚟道賀，單單民主黨就唔係幾覺眼有人嚟。
甘神父又再次露面，大家就等到開席都見唔到Emily嘅金蘭姐妹何秀蘭，佢哋話，已經叫咗佢好多次，最後都唔見人，莫非真係同卿姐決裂了？反而離開了前綫嘅李卓人同梁耀忠就一早到場。
卿姐非常重視今次聚會，所以叫所有人都要執正啲，連平日不修邊幅嘅陶君行都西裝骨骨，八方都差啲唔認得佢。
阿人一見到孫公，就提公屋租金一事，點知孫公重高明，馬上話今晚只係風花雪月，唔講其他，阿人只好無癮而回。
（圖）卿姐同孫公咁開心傾啲乜？
傳真︰2623-9278
電郵︰