由即日起至10月5日嘅一連四個星期，位於中環藝穗會（FringeClub）二樓嘅VolkswagenFotogalerie，將會舉行「杜可風作品展——That'sHowtheLightGetsIn」；屆時會透過多媒體嘅影象，將難得一見嘅杜可風電影世界，呈現喺大家眼前，而每個星期嘅展品均有不同，再配合上獨特處理手法，從而令每位參觀者走進佢嘅電影世界。 另外由9月23日起，大家亦可登入福士代理嘅官方網頁（網址：www.vw.com.hk），向杜可風提出你對是次展覽嘅意見，佢就會根據收集得嚟嘅意見，將展品重新編集，並於第四個星期，給參觀者有一新耳目嘅觀感㖭。有興趣嘅朋友就不妨到會場參觀，又或者喺參觀後，到網頁留言喇。