當今全球最頂尖嘅小提琴大師帕爾曼ItzhakPerlman早排嚟港舉行演奏會，同佢嘅同門師妹、本港知名小提琴家姚珏緣慳一面。原來貴為港澳辦公室前主任魯平新抱嘅姚珏，嗰時帶咗三十幾個天才優秀學生返咗上海嘅母校上海音樂學院附中進修琴藝。
姚珏同帕爾曼係紐約朱莉亞音樂學院嘅學生，雖然屬唔同年代，但由於兩人都師從DorothyDelay女士，所以當年帕爾曼返母校探訪老師時，就已經認識呢位鋒芒漸露嘅小師妹。
不過，帕爾曼上月底帶領學生造訪上海音樂學院，終於同門師兄妹異地喜相逢，兩人重聯同二千個全國精英小演奏家，喺上海科技館同場錄像演出。
姚珏近期成日往返香港同上海教音樂，愈教愈過癮，佢教嘅一班香港學生已經被邀請喺明年再去上海參加國際少年兒童文化藝術節。難怪佢話：「雖然辛苦都係值得嘅！」
（圖）姚珏（左）同帕爾曼終於有機會碰頭。
傳真︰2623-9278
電郵︰