「香港設計師中心」前晚喺堅尼地道嘅總部正式成立，阿董同一眾高官加埋二十五個本地時裝設計師齊齊出現，場面好熱鬧。民政事務局局長何志平着咗對「MadeInHongKong」嘅鞋去到，見到八方即刻話:「鞋入面冇名㗎。」何志平話自從做咗局長之後，少咗好多時間陪老婆同個女，佢重一臉辛苦咁話：「個女唔認得我啦，冇見我幾日重唔識叫我㖭。」
八方有個官場老友話，何志平以前做大國手時起居有序，但係入咗民政之後，一日到黑都喺出面應酬。不過，老何有時都呻幾句，因為成為官員之後，冇晒私人空間。不過食得鹹魚抵得渴，做官要預咗㗎嘞。
傳真︰2623-9278
電郵︰