曾經因為同太太一齊呃房屋津貼而被判緩刑嘅教育署前助理署長梁一鳴，噚日出席一個講座，教人點樣戰勝逆境㖭。
佢毫不避忌咁一開口就話自己已經身敗名裂，有刑事案底，重話曾經因為呢件事覺得好內疚，諗過用把好利嘅軍刀自殺，但最後都冇咁做。梁一鳴話，離開公務員行列後，做緊教育顧問嘅工作，有時重要幫人執筆寫埋啲爛尾文章，太太就做執業醫生，兩夫妻加埋嘅收入都唔夠以前五分一。
不過佢同八方講，兩公婆𠵱家過着優質生活，身心平衡，可以去晨運，多咗時間喺屋企。佢重話，原來過優質嘅生活唔使好多錢，三蚊買兩紮通菜都可以食到好愜意咁話。八方聽到之後，都要講句：你好嘢！
（圖）梁一鳴逆境時諗過自殺，好彩冇咁做。
傳真︰2623-9278
電郵︰