今個星期最紅都係隻《怪獸公司》，一、兩日間俾人清晒貨！據行內人表示，好多舖頭都低估咗呢隻碟精裝版嘅需求量，唔敢入貨，單碟裝固然俾人掃清，隻雙碟裝亦馬上炒起，開賣首兩日最高曾上過三百餘元價位，後來陸續有貨返，今個星期先回落返近$188-$200嘅合理水平。
星期日FamilyDay，如果想買碟𠱁吓小朋友開心，一定要留意呢隻《跅跅步哈姆太郎》。可愛倉鼠哈姆太郎最近人氣急升，呢套《跅跅步哈姆太郎》一連推出了第1-4話VCD，故事由哈姆太郎登場到開學的種種趣事都有詳細述說！每話的基本售價為$30，但去發行商網上eShop（
得利影視代理嘅荷李活電影，最近玩「$98任你睇」優惠！將一大堆由20世紀霍士同美高梅出嘅經典荷李活大電影，以$98特惠價發售，好多重係不可不買嘅正戲，包括《鐵達尼號》、《猿人襲地球》、《天煞－地球反擊戰》等等數十套近年經典猛片。基本上全港大部份DVD舖都已經開始以$98優惠價推介呢批DVD碟；暫時知道只有一、兩間大型連鎖式經營的影碟舖，並未跟從呢個優惠價格，買碟前記得行多兩間格價。
早個星期碟場先出咗隻《SomeLikeitHOT》（熱情如火）嘅瑪麗蓮夢露經典電影，讓各界影迷從新以DVD的數碼科技，感受呢位一代性感女神的風采！內裏收藏有夢露相片集及一些紀錄片，絕對係認識呢位一代影后的好片。據消息透露，嚟緊本月底重會有一隻瑪麗蓮夢露鑽石套裝版DVD推出，內裏收錄的資料和影集會更詳盡，大家定要落足眼力昅實。
記者：朱崇德