EMI九人女子組合Cookies、Shine和何韻詩前晚出席「EMIMUSICTALKS」演唱會，現場的fans反應十分熱烈。何韻詩穿上短裙配長褲，與Cookies一起跳舞，成為全場焦點。不過Cookies的Serena卻無厘頭做了一個反V粗口手勢。
同是EMI旗下歌星的女子組合Cookies、Shine和何韻詩前晚在大專會堂，出席「EMIMUSICTALKS」演唱會。身為大師姐的阿詩更施展渾身解數，與Cookies一起載歌載舞大唱《紅組加油》，搶盡風頭。
阿詩表示只花了兩小時排舞，對於記者指她穿上小背心後，身材玲瓏浮凸，阿詩笑說：「我何韻詩梗係有CCup啦，不過今晚我都冇騷美腿，所以都唔可以話我搶風頭。」
Cookies成員Theresa對於有報道指陳冠希對她特別有好感，她說：「我覺得單新聞好搞笑，我都唔記得佢有冇拍一拍我啦，我亦都唔會因為咁樣而有所避忌。」而Serena在影大合照時忽然做出反V手勢，她事後解釋：「我都唔知呢個手勢係乜嘢意思，只不過我覺得平時做啲手勢好悶，先至會做出呢個手勢。」
Cookies和Shine在演繹最後一首歌時衝下台，即時被大批歌迷包圍，場面一度出現混亂。
對於Cookies和Twins同日開騷，EMI高層陳志光說：「我哋特登揀黑色星期五開騷，因為諗住唔會有人揀呢日，所以唔好話我哋同Twins對撼。而我哋亦都有聯絡陳司翰，不過佢要留喺台灣宣傳，所以就返唔到嚟演出。」
採訪：李珮洳 攝影：羅德光