今年嘅公益金便服日喺今個月三十日舉行，有興趣拋低西裝同套裝返工嘅男士同OL，只要捐出五十蚊畀公益金，就可以透過所屬機構報名參加。至於學生仔女，亦可以喺學校批准下加入「便服為公益」行列，且無最低捐款額嘅限制㖭。
喺噚日嘅便服日開展儀式上，政務司司長曾蔭權、公益金執行委員會副主席陳祖澤，同便服日籌劃委員會主席鄭海泉，唔知係咪着咗便服，心情都輕鬆啲。鄭海泉喺大合照時，見到企喺佢前面嘅小女孩條小辮子鬆咗，就幫個小女孩紮番條辮。八方都係第一次知道鄭海泉識得紮辮，難怪喺佢身邊嘅曾蔭權望到實，都要乘機「偷師」啦！
曾顯華攝
傳真︰2623-9278
電郵︰