電盈主席李澤楷為吸納人才，出手絕不吝嗇，每次搵到猛人加盟都會畀「見面禮」。前排由信和挖走李智康睇基建及地產業務，亦唔例外。八方噚日睇到聯交所資料，小小超喺九月九日送咗四百九十五萬四千股電盈畀李智康。以噚日收市價計，上述股份價值近五百九十萬元。
不過，電盈股價就真係唔生性，股價好似坐潛艇咁，一路係咁沉，噚日又創新低見一元一角八仙，收報一元一角九仙，再挫百分之四點八。小股東真係欲哭無淚。
小小超上回自大通撬得現任財經事務及庫務局局長馬時亨加盟電盈，送出七百七十四萬九千股。馬仔要做問責高官，兩個月前沽清批股票，當時股價個八樓上；所以，唔好笑馬仔黑。今次，李智康呢手電盈，恐怕要離開時才可套現。
傳真︰2623-9278
電郵︰