葉蒨文（Sally）昨日到新城接受節目「家天下」訪問，日前有周刊指Sally所屬的公司每個月的營運費只有二十萬，故此旗下歌手要慳錢，對此她說：「我覺得我哋公司係一間細公司，所以每個月開支有限制都好正常，雖然公司有我同趙頌茹兩個artist，但係都只係得一架車。咁我自己平時都會用番自己司機，咁公司就會每個月畀番二千蚊油錢。」
而Sally亦笑言自己是「慳妹」一名，她說：「我同阿Lam（林子祥）都好鍾意去救世軍買衫，有一次我同個女去歐洲PradaOutlet時，爭住買一件好平嘅外套，後來我同佢講我着完之後先至寄畀佢着！」
採訪、攝影：李珮洳