為了照顧患腦癌兼智障的兒子，年過六旬的蔡婆婆多年來耗盡心血，身體每下愈況；百病纏身的她，近日更不小心摔倒引致行動不便，遂被迫申請內地的長女來港照料。刻下母子的生活雖稍為安定，但驟增的開支，卻令貧困的蔡婆婆大感吃不消。
蔡婆婆的么子阿金，今年雖然已經二十五歲，但起居飲食要全賴家人照顧。「佢以前唔係咁㗎，細個好乖、好聰明，十五歲大病一場之後，就搞成咁。」兩鬢斑白的蔡婆婆欷歔地說。
個子矮小，光着頭的阿金，十年前因為被滾水嚴重燙傷，入院檢查時，才被發現患上腦癌，一生從此改寫。蔡婆婆憶述：「我嗰時成日掛住返工搵食，都冇為意佢有唔舒服，直至有次佢幫我做家務，唔小心被大壺滾水淥親入醫院，先檢查到佢個腦有個大瘤，好危險。」
經過多次電療和化療之後，阿金總算保住了性命，但萎縮了的惡瘤卻壓着他的神經線，加上電療和化療的後遺症，影響了他的智力發展和身體活動能力，失去自我照顧的能力。
「自從阿仔變成咁，唔好話返工，我一秒都行唔開，佢大小便搞唔掂，擦牙洗面唔得，食嘢要我餵，就算坐都坐唔穩。有時諗諗吓，都覺得我兩仔乸好可憐，喺香港一個親人都冇，有乜事都冇人照應。」
身世坎坷的蔡婆婆，早年偕夫來港，惟誕下幼子後，夫妻感情有變，丈夫捨他們而去。為了養育阿金及鄉間的子女，蔡婆婆多年來營營役役，曾從事不少工作，包括工廠、酒樓、清潔女工等，老來還得來一身病痛。
「可能呢十幾年太過操勞，身體好差，肩周炎、骨退化、膽石、子宮下垂、眼痛，幾十百種病，最近又唔小心跌倒，整傷咗隻右腳。」現時仍要穿上矯形鞋的蔡婆婆，由於行動不便，難以自理及照顧阿金，早前遂申請內地的女兒暫時留港協助。
坐在蔡婆婆身旁的阿潔，憂心慼慼表示：「媽媽年紀都有番咁大，根本佢自己都搞唔掂，好似早幾日細佬又坐唔穩，連人帶櫈跌落地，佢好慌張，我真係好擔心，如果我唔喺度，媽媽同細佬唔知點算。」
現時得阿潔在港照顧，蔡婆婆和阿金才不致彷徨失措，惟經濟擔子卻大大增加。「我哋兩母子都係攞綜援金，但𠵱家兩份綜援要三個人使，真係好繃繃緊，好多時我同阿潔都係白粥撈豉油，阿金就食啲平價瓜菜，冇錢冇辦法。」蔡婆婆幽幽地說。
蘋果基金有見蔡婆婆苦況，遂撥款五千元，助紓經濟困境，另安排母子二人裝設一部平安鐘，以備不時之需。 捐款編號：C0684
暖流熱線
電話:29908688
傳真:23702192
電郵:
網址：