八方睇完羅正威同鄺志強成份仙股報告，除「稍為偏幫」政府外，基本上份報告做得好好。兩個人，咁短時間，能夠重組成件事讓大家清楚來龍去脈，的確效率高；至於是非曲直，「公道自在人心」啦！
比較唔公道嘅，係對風波中兩個關鍵人物：交易所上市科的李潔英同證監會企業融資部李律仁。早在報告公布前，已有「Mr.Source」之類東西放風，話仙股風波係因為兩個機構中層人員「唔夠市場經驗、唔夠專業」云云，重點埋孖李個名出嚟。
八方同李潔英有數面之緣，佢原任職期交所，係期權專家，繼許浩明、霍廣文之後出掌上市科；至於李律仁，係美國回流律師，加入證監後做過秘書長，得沈聯濤賞識，除牌文件就係由佢主責同交易所周旋。如果佢哋唔掂，佢哋嘅上司責無旁貸；而監管佢哋嘅上司者，又是否要問責？
雖然，調查報告還孖李一個公道；但兩人都係專業人士，咁樣被人公開抹黑，見晒報，你話係咪好心寒呢？
傳真︰2623-9278
電郵︰