九一一周年全球愁雲慘霧，香港更加高懸八號風球，橫風橫雨，前日嘅九一一悼念活動要被迫延至昨日舉行。噚晚主持「九一一國際和平紀念晚會」嘅前美商會主席韓德立致辭時，話多得阿董幫忙，原本因風暴要取消嘅悼念活動先搞得成。不過大家唔好誤會有特權，政府方面解釋話，咁啱噚晚大會堂有期，先可以安排美商會改期。
除咗阿董，政府三位司長：煲呔、阿松、詩姐，連同多位局長，以及美國駐港總領事祁俊文都有出席，前政務司司長陳方安生同李柱銘，也在人群中出現，不過就唔見馬時亨同廖秀冬、葉澍堃等幾位。
噚晚重有各國領事、香港各界宗教領袖同數百位市民一齊哀悼九一一死難者。阿董致辭時誓言，唔會讓恐怖分子傷害香港任何人，又話已經於重要地方提高咗保安水平。馬丁李同八方講到九一一好感慨，重話等同香港人對六四嘅態度，以後會年復一年紀念下去。
傳真︰2623-9278
電郵︰