我Apple姐最注重儀態同食相，無論喺高級食府抑或喺大牌檔，我都唔會鬆懈，以免失禮自己同埋班朋友。 前幾晚我同班朋友喺中環翠華茶餐廳食消夜，坐落冇耐就見到恒威太子女劉思蔚同兩個朋友入嚟，佢哋一行三人似乎好肚餓咁，一坐低已經叫到成枱食物。 朋友狼吞虎嚥 劉思蔚嘅食相同我不相伯仲，都好優雅，不過佢嗰兩個朋友嘅食相就真係不敢恭維，有碗唔用，將啲食物直接夾入口，點知就天一半地一半咁，真係失禮死人呀。