提起劉錫康，好少人記得佢係上市公司升岡國際嘅主席，但有好多人都知佢就係「靚蝦王」嘅馬主。
噚日升岡國際開股東會，劉錫康跟八方閒談，提到佢三隻愛駒「快、靚、正」，其中靚蝦王去年十月捧盃後就因足患錯過咗國際賽，休息近一年，現時已經無大礙，狀態回勇，下個月會參加熱身賽，年底重有機會同「正蝦王」同場，一齊參加香港一哩錦標。
劉錫康曾經講過，希望兩隻愛駒同場作賽，今年底便可一償心願。兩隻都係自己嘅愛駒，劉錫康就話始終都睇好靚蝦王，唔知同兩年幾前此駒勇奪日本安田紀念賽是否有關？不過，佢話，明年正蝦王都會去日本參賽，睇吓會否再次奪標。
（圖）靚蝦王為劉錫康（左）帶嚟好多拉頭馬嘅機會。
傳真︰2623-9278
電郵︰