香港RV熱潮持續，連帶韓國車亦想分一杯羹；早前亞Mark提過，話起亞汽車遲吓會引入最Top嘅Sorento四驅SUV之後，聽聞惹來唔少車迷注目同查詢。咁又係呀，部新車咁有型吸引，加上一台3.5公升V6偈配搭，但車價亦不過係20萬上落，自然有一定號召力啦！原來，起亞代理響引入Sorento之前，佢哋正密鑼緊鼓引進另一款走家庭MPV路線嘅Carens。
若然各位唔係善忘的話，查實舊有起亞代理亦曾輸入過呢部車，但當時只得六座位配搭，加上設備一般，自然吸引力大減啦！不過，原來Carens響韓國經已推出Facelifted新版，除樣靚跟同廠Carnival相近外，兼且重改裝成七座位組合，重有軚式自動波、全車皮椅、電天窗同恒溫冷氣，匹配上一台1.8公升慳油好力嘅直4偈，車價亦不過係12萬9千咋！而手波硬頂版都有ABS連雙氣袋組合，定價亦只係9萬9千起，你話呢股MPV韓風，係咪魅力沒法擋呢？