楊受成外甥邱子傑太太邱李茂琪及保良局前總理陳瑞蘭，前日在美國「九一一」一周年和八號風球懸掛下，分別在山頂嘉諾撒醫院誕下女嬰。再為人父的邱子傑昨日探望妻子時表示，BB女在這個特別日子出生，被朋友形容為惡BB。
楊受成外甥媳邱李茂琪及保良局前總理陳瑞蘭，前日在美國「九一一」一周年及本港八號風球高懸下，分別在山頂嘉諾撒醫院產下女嬰。兩位新任媽咪皆以產後樣貌憔悴為由，不欲接受訪問。
昨午邱子傑偕兩歲半兒子Julian，帶備燕窩粥往醫院探望妻子，大談再為人父的喜悅。
邱子傑表示太太早產，兼且初生女兒在前日這個特別日子出世，他說：「我啲朋友第一個反應即刻話：『嘩！乜咁巴閉呀，呢個一定係個惡BB呀』。」BB在美國「九一一」一周年這個傷感的日子出生，問邱子傑有何感想？他說：「都冇法啦，係個天要佢呢日出世㗎嘛。」
邱子傑又表示妻子早產令他陣腳大亂，他說「太太嘅預產期本來係下個星期五，但前日朝佢突然陣痛，我咪即刻送佢嚟醫院囉，結果BB女喺下午三點出世。太太呢胎係開刀生嘅，BB女重六磅兩安士，我哋幫BB改咗英文名叫Jessie，中文名會等相士改，佢眼仔大大好靚女，似足媽咪。」
邱子傑續說：「不過因為前日我送太太嚟醫院嘅時候，天文台重未掛八號風球，交通方面冇特別阻滯。但係到佢下午生得嘅時候，因為已經掛咗八號風球，我想通知爹哋媽咪同外父、外母，又因為全港電話線大癱瘓而打唔通電話，嗰陣時我都唔知幾心急呀。」