自從問責制上場後，班AO最多聲氣，當然大部份都係私下呻，唔敢張揚。不過，八方聽聞，在搵邊個做佢哋職系代表，為佢哋利益說話嘅時候，班政務官就死都唔肯咁易就範。
據當局構思，有三個方案可以畀班政務官選擇。
第一，由王永平做埋，班AO梗係唔想，因為講到尾，問責官員點可以代表佢哋嘅利益？第二個方案就係由署理常秘王倩儀做，但係班AO又會問，王小姐何德何能？而第三個方案似乎最好，係由佢哋選，搵個資歷最深嘅做。
如果真係要計，北京嘅梁寶榮最老資格，可惜佢人不在港，班手足又唔鍾意。睇嚟俞宗怡都係走唔甩，事關佢在港最資深。
據小道消息，原來黎高穎怡喺選AO之首活動中最勇猛，而劉吳惠蘭就一個人代表晒八○年以前嘅AO，原因係佢哋所餘無幾；往後每年都有代表人物，都唔少猛人。至於最後點定案，呢個月底自有分曉。
傳真︰2623-9278
電郵︰