樂壇新人蕭正楠（Edwin）出道不久，即招惹了跟麥浚龍（Juno）的不和傳聞。Juno的新歌《愛上殺手》催谷宣傳，可是Edwin的新歌《惡果》MV中的開首和結尾都暗寸Juno，Edwin更表示自己不會花錢買fans。
蕭正楠（Edwin）的大碟《BornToFly》，碟內其中一首歌曲《惡果》MV的開頭及結尾出現了「如果可以從新開始 我不會做殺手」以及「殺手沒人同情 也沒有愛情」的字句，有影射唱《愛上殺手》的環球歌手麥浚龍（Juno）之嫌。
環球總裁陳少寶日前曾叫Edwin走開，不要再與環球歌手合照，昨日Edwin在亞皆老街出席「黃大仙區衛生健康活力城」宣傳時，表示不介意與Juno及余文樂合照，他說：「冇乜所謂，平時我同藝人合照，都係應記者要求。」他又稱見到Juno不會尷尬，他說：「尷尬嘢唔係我做出嚟。」
有傳有歌手以二百元請fans造勢，Edwin說：「我上網時，有人講畀我聽話每個歌手出唔同價買fans，我就百分百肯定fans係欣賞至追隨我，我冇用過一蚊做呢樣嘢，有咁樣嘅行為，我就覺得好可恥，好似做騷畀人睇。」
此外，Edwin得到手表Swatch的青睞，他日前親到銅鑼灣的Swatch專門店揀新手表，當時他已手戴了一隻新表。
Edwin說：「我自細就好鍾意Swatch啲手表，記得喺八年前，我就收到姑姐喺外國買畀我嘅生日禮物，當年我戴住返學，同學仔都好羨慕。嗰隻表至今我仍好好保留，畢竟佢係我擁有嘅第一隻手表。」
採訪：李珮洳、比華利、王連連
攝影：林德雄