做過WebJ的Anthony口才了得，游說客人買衫一定難唔到佢；兼且對潮流服飾好有心得，做時裝售貨員，就啱晒佢。彭靖嵐則有豐富繙譯經驗，且具中級日語程度，除中英文外，連繙譯日文都得。喜歡漫畫的蘇子斌，最希望以興趣來發展事業。如果你公司正需要這樣的員工，就快啲聯絡佢哋喇！
記者：李敬賢 攝影：陳盛臣、李敬賢
場地：鑼銅灣名店廊extravaganza
我曾經做過WebJ，接受過報紙訪問，只因科網泡沫爆破先至無得做。我對自己的口才好有信心，客戶服務的工作應該可以勝任，就算啲客人又鬧又投訴，我都可以𠱁到佢再幫襯。而且做時裝Sales唔可以同潮流脫節，Mix&Match的品味都緊要，我一向都有留意時裝潮流，又曾經喺多間大型連鎖時裝店做過Sales，不但賣衫，賣鞋、賣手袋乜都可以。
林振宇（Anthony）
22歲
學歷：中五程度
工作經驗：售貨員１年，WebJ半年
一技之長：口才、領導才能
我的志願：1.時裝售貨員 2.客戶服務員 3.演員
要求待遇：$6,000?7,000（底薪+佣金亦可）
聯絡我啦：91865855/
阿倫話時裝Sales呢行的流量幾大，所以不斷有空缺。口才對Sales很重要，亦要懂得Mix&Match，但唔好襯到太前衞，順眼便足夠。
10年經驗 中英日繙譯員
我讀完中五之後，去過日本同澳洲讀書，返港後喺公開大學讀繙譯，取得學士學位。我對做記者也有興趣，所以最想做報紙的繙譯員。
我的日文有中等程度，以前重喺電視台繙譯日劇，卡通片《麵包超人》都係由我繙譯的，不過，𠵱家想專注繙譯中英文。
彭靖嵐
36歲
學歷：大學畢業，主修繙譯
一技之長：中英文繙譯
工作經驗：繙譯10年、航空公司客戶服務員1年
我的志願：1.繙譯 2.記者 3.教師
要求待遇：$10,000?12,000
聯絡我啦：
彭靖嵐花了半小時，已經可以把三段約100字的中英日文章和剪報繙譯好。行文流暢，翻查字典的次數也不多。
做記者要對時事有認識，但彭靖嵐三題只答中一題，不但唔記得馬時亨的職銜是「財經事務及庫務局局長」，也不知地鐵主席是蘇澤光，不過，就知道我哋嘅財神夫人伏明霞報讀中大。總括而言，若她想當港聞記者的話，看來要惡補一下時事常識了。
當了七年繙譯的葉小姐表示，報館會視乎有無空缺而請人，但她所知報館繙譯員的流失不大，所以最好透過朋友介紹，獲聘機會較高，否則亦可以寫信自薦。
精通日本文化 導遊編輯都得
我讀書時已經好鍾意睇日本漫畫，後來更走到日本學日文，一手包辦繙譯同編輯的工作都無問題。如果可以做漫畫編輯，就可以自己的興趣發展事業，工作起嚟就更起勁。
以前我亦做過導遊，加上喺日本住過一段時間，所以好熟日本文化，無論帶香港團去日本，抑或帶日本人遊覽香港都可以。
蘇子斌
29歲
學歷：中五畢業
一技之長：日本漫畫知識、日文
工作經驗：雜誌編輯6年、漫畫編輯3年、日本導遊1年
我的志願：1.漫畫編輯 2.導遊
要求待遇：$15,000
聯絡我啦：
請蘇子斌介紹日本漫畫，佢如數家珍般一一詳細介紹。還反問記者，知不知道《北斗之拳》的作者武論尊，就是《流氓醫生》和《英雄本色》的作者史村翔。今次，竟然被佢考起㖭！
由東京到大阪、北海道到沖繩島，阿斌都可以逐一介紹各地的名勝及特色，難唔到佢。
在漫畫雜誌工作的陳先生表示，香港漫畫雜誌的編輯，尤其是日本漫畫，最好懂得或多或少的日文。可以說需要繙譯多過編輯，因為只要把日本漫畫譯成中文已可以出版。如果想在漫畫界工作，由熟人介紹的成功機會會較大。
失業唔使愁，《蘋果》可以幫你搵工，只要你肯出鏡兼接受訪問，一經刊登，你分分鐘會被未來僱主睇中！來信請寄香港將軍澳工業邨西駿盈街八號《蘋果日報》副刊「我要一份工」收
傳真：27420542
電郵：