失業率高企、勞資關係緊張、僱主又成日裁員減薪情況下，點樣去揀一個優秀僱主呢？一直專長外判同管理嘅國際顧問公司翰威特（Hewitt），話會舉行二○○三年度亞洲區最優秀僱主嘅研究調查。研究結果，最快會喺明年四月公布。
香港麗嘉酒店同皇冠汽車曾打入二○○一年亞洲區優秀僱主頭二十位。但係，點至成為優秀僱主？翰威特嘅評審準則，包括招聘、員工學習、報酬、入職輔導、福利、員工保健、工作生活質素等等。嘩，睇嚟𠵱家咁多機構緊縮開支，又裁員減薪，員工情緒一定差，怨氣重。今次香港僱主想打入亞洲最優秀僱主嘅行列，都實在唔容易！
傳真︰2623-9278
電郵︰