曾主唱歌曲《黑客》的歌手張德豪，其父張贊聲所開設的創藝卡拉OK，自去年十二月全線結業，張父宣布破產而偕妻避走外地後，張德豪的經濟即時陷入困境。不過現在張德豪終再戰娛圈，日前他在柴灣一所影樓，為日本牌子Tifeel眼鏡拍攝平面廣告，賺得五位數字酬勞。
張德豪說：「嗰時阿爸嘅物業同屋企啲車都俾人收晒，阿哥又失業，我哋搬咗去土瓜灣嘅舊樓住，月租三千幾蚊。當時我哋每日只係使五十蚊。最慘嘅時候，我試過全身得番兩個三，三日冇飯食，只係食蘋果，後尾我哋連屋租都交唔起，好彩有朋友幫。」
之後，張德豪曾往台灣做音樂。接着，他回港簽經理人才得以翻身，目前其兄已在機場覓得工作，二人現居於深水埗。
採訪、攝影：朱芷瑩