「我哋一直有來往」
宣萱稱與舊愛蒲D唔係復合

宣萱在三個多月前宣布與拍拖六年的榮文瀚分手，但昨日卻有周刊指男方努力箍煲，二人已告復合，榮文瀚更大唱情歌冧宣萱。不過宣萱卻否認復合，指雙方一直有來往，但將來會否復合則不得而知了。

宣萱與中信泰富主席榮智健的姪兒榮文瀚結束六年情後，昨日卻有周刊報道指二人已復合。該周刊拍得宣萱與榮文瀚前往深灣俱樂部，出席梁王培芳為孫女擺滿月酒的喜宴，然後結伴蒲的士高，報道又指榮文瀚在的士高內向宣萱唱張學友的情歌表愛意，並有傳兩人在分手三個多月後，已告火速復合。

「正常聚會啫」
昨日記者致電宣萱求證她與榮文瀚復合一事，她說：「唔係復合，大家分咗手，但都係朋友，我哋一直都有來往，正常聚會啫。今日我都有打過電話畀佢，同佢講有周刊寫咗篇咁嘅嘢，佢都冇乜嘢呀。」
對於報道指榮文瀚當晚對她情深唱歌，宣萱說：「呢樣嘢唔係事實，唔回應。」又問她會否覺得榮文瀚有追求之意？宣萱說：「總之𠵱家都係朋友，但將來嘅嘢就冇人知。」

歎緣份難強求
宣萱更揚言甩拖至今也沒有追求者出現，但她亦不急於拍拖，宣萱笑說：「冇人追呀，但我都會集中工作，唔想咁快拍拖。我唔心急嘅，要講緣份，冇得強求嘅，𠵱家我唔覺得悶呀，人生有好多嘢，有朋友、屋企、工作，我重有六個屋企人陪住我，就係我養嗰六隻狗啦。」
此外，宣萱近期確實工作多多，早前她才穿上晚裝、為AFC淺山　家健康食品拍平面廣告，即將要又為BellaSkinCare再拍新一輯廣告，然後往北京拍劇，難怪她會不介意沒有拖拍了。