立法會飲食界議員張宇人上個月玩勻美國同歐洲，慶祝結婚三十周年。張宇人同八方講，以前結婚紀念日會擺酒，但自從二十五周年開始，兩公婆唔再擺酒，改為到處旅行。
唔經唔覺咁就三十年，張宇人呢次去美國都算重遊舊地，佢結婚同買第一間屋都喺美國，呢次去搵番當年同佢兩夫婦做花童、伴郎伴娘嘅老友，最驚喜就係見到同佢哋證婚嘅老神父依然健在。
張宇人更加搵到當年第一手買入嘅屋。新業主見到第一手業主，非常好客，請張宇人兩公婆到處參觀；張太去到花園，見番當年親手種嘅玫瑰花，興奮到即刻影相留念。
（圖）張宇人兩公婆興奮地在三十年前親手栽種嘅玫瑰花旁影相。
傳真︰2623-9278
電郵︰