多年前福特一款配用1.3公升引擎嘅小車Ka，自推出以來一直受車迷追捧；但奈何外表同配搭依舊，或許會予人有看膩之感。眼見市場多款同級對手都推出升級版，福特廠方亦不敢怠慢，預備於明年上半年推出新版SportKa，以增強競爭力。
新款SportKa可稱得上係Ka嘅Facelifted新版，外形看似雖沒有多大改動，但一組頭燈望落較前有神氣得多外，全新車頭泵把亦加裝有霧燈，從而可增強晚間行車時嘅安全性，一組尾燈亦改換上新配搭，閱讀清晰又方便；另外，新車更裝有尾翼及將車尾排氣喉改置於中央，從而令新車帶點跑味。至於機械方面，除會改配一台馬力輸出達65匹嘅1.3公升引擎外，另外重會有多台引擎供選擇，以迎合不同用家需要。如果大家對SportKa有興趣的話，就要留意佢嘅確實推出日期喇。