楊千嬅日前大談感情事，指自己過去兩段情均遭第三者破壞。千嬅昨日稱不想做「死八婆」，表示已致電向徐濠縈及張栢芝道歉，但她昨日竟又爆陳奕迅與徐濠縈已是夫婦。
楊千嬅日前公開自爆感情事，透露自己過往與陳奕迅（Eason）及鄭中基的兩段情，都因第三者介入而告終，又表示自己與兩名涉嫌第三者徐濠縈及張栢芝都不是朋友。事件後來更牽連到曾與她傳緋聞的梁漢文，梁漢文亦隨即不客氣地直指千嬅自爆緋聞做宣傳。
昨日下午千嬅由日本乘機返抵香港，她一身LV外套加牛仔褲打扮，推着三箱行李出閘。
在八號風球懸掛的情況下，仍有八名歌迷前往接機，而千嬅甫見記者即一副有備而來的模樣，不等記者發問即滔滔不絕地說：「喺水上面有氣流，好驚呀！不過驚嚇程度唔及我睇到自己篇訪問咁驚，我寧願買機票去紐約搵布殊呀！」
千嬅其後又自爆在日本時，曾致電向徐濠縈道歉，她說：「我喺日本打咗電話畀徐小姐講唔好意思，打擾晒，我都唔想一單訪問牽涉咁多人。我打畀佢時，第一句就講對唔住，佢都唔知我係邊個，我話我係楊千嬅，之後再同佢講唔好意思，佢話佢同陳奕迅都明白。可能咁樣反而可以做到朋友，得閒出嚟飲茶呢。」
問千嬅為何致電徐濠縈時？她竟答：「我哋潮州人唔想將啲嘢放喺心度，唔想影響人哋夫婦間嘅感情，我相信佢哋明我唔係講人是非。我七年齋缽唔想打爛，我一向講嘢都好小心，有啲關連到第三者嘅嘢都係唔好講，以後所有感情事我都唔答。」
早前曾有傳聞指陳奕迅與徐濠縈已秘密結婚，兩位當事人早已否認其事，誰知千嬅昨日竟口快快說漏嘴，爆出他們已是夫妻關係一事，認真講多錯多。
至於被指介入千嬅與鄭中基之間的張栢芝，千嬅表示亦已透過唱片公司致電向栢芝道歉。
提到亦曾與她傳緋聞的梁漢文時，千嬅說：「冇呀，我楊千嬅只想做個小富婆，唔想做死八婆。」千嬅又多番強調道：「喺圈中同我真心相愛嘅係得鄭中基一個，其他男人冇同我傳過緋聞呀。」
採訪：黃文成