面對仙股風波，加上嬌妻讀唔成中大，財爺阿松近日頭都大埋，但無論幾唔開心，有客自遠方來，都仍然要見客。噚日八號波未掛之前，阿松見咗十幾個台灣財經記者。呢班台灣同行噚日由澳門嚟港，參加第六屆台港經貿論壇，同阿松見面傾咗約五十分鐘，但隨團幾個台灣陸委會官員就避席，免得彼此尷尬。
八方聽聞，中華旅行社總經理張良任（圖）本來打算噚晚帶班台灣行家去蘭桂坊劈酒，見識一下中西薈萃嘅香港文化，點知撞正颱風襲港，班行家只得乖乖哋留喺酒店等天光，然後離開呢個多風多雨嘅香港。
傳真︰2623-9278
電郵︰