八方兩星期前提及行政會議前任成員、現任房屋協會主席鍾瑞明，出任上市公司精優藥業獨立非執行董事；原來佢喺周二已辭任中富控股行政總裁及執行董事職位。
中富喺一個多月前，因為其前子公司永輝建築被指拖欠工人八千萬元工資，班工人曾到過中富辦事處抗議，鍾瑞明也牽連在內。當時，八方已提及佢可能會覺得呢份工唔易捱，估唔到咁快就有動靜。
講到鍾兄，八方記得自從佢喺九七年離開土地基金之後，曾在中銀國際做了兩年副行政總裁，其後跳槽至英資怡富集團做資產管理及中國業務主管，引起一陣哄動，可惜做了一年便走。今次，佢在中富只做了七個月，但據聞呢份工的年薪達三百多萬元，莫非有更好的工在等候鍾兄？
傳真︰2623-9278
電郵︰