政府公布細價股風波調查報告，八方聽聞中環唔少關心馬局長的人，第一時間「拜讀」呢份成三百頁文件，有位上市公司董事專業人士睇完報告，擰晒頭同八方講，其實一早預咗份報告會同馬仔、阿松兩個「難兄難弟」開脫，但都唔該搵個好啲嘅理由，竟然連馬仔新上任、辦公室同班手下離得遠，溝通有問題，所以情有可原，呢類冇人信藉口，都夠膽死寫出來！呢位專業人士愈講愈㷫，話如果用呢個邏輯，滙豐總部喺英國，香港滙豐有乜頭暈身㷫，班股東都唔可以質問滙控主席龐約翰啦！佢同香港滙豐距離有成十幾個鐘飛機，肯定乜都唔關佢事！
不過，八方相信最㷫唔係呢班成日因小小事就俾政府「將軍」嘅專業人士，而係港交所。有人話，廣東話講唔正都係甩身理由，重要港交所孭晒隻鑊，正如鄺神童話齋，真係公道自在人心！
傳真︰2623-9278
電郵︰