阿松雖然口口聲聲話小伏嘅事係私事，但對住台灣記者就忽然解禁，話到自己成日俾香港傳媒「罵得很難聽」，雖然「感覺很不好」，仍然樂見香港有咁嘅新聞自由。
台灣記者顯得好同情阿松，問到以小伏嘅條件，香港嘅大學應該爭住收，點會有特權問題。呢句顯然正中阿松下懷，佢無奈地回應：「以她的成就，過去有多少國家願意給予護照、獎學金，她都沒有接受。」言下之意，即係話小伏要入中大使乜要人特別關照。
阿松此言差矣，唔通佢唔知，今次中大校方講到明，小伏「識跳水也沒有優惠」？佢哋只會考慮原校水平和本人成績。既然如此，小伏另一個身份──財爺夫人，會唔會影響被取錄嘅決定，就好重要。
中大教務長何文匯噚日表示，商學院處理伏明霞申請，快得嚟並無超越規則。中大商學院副院長張偉雄亦澄清，所有院務委員都有收到電郵通知，所有處理程序都依照規定，對於三十小時限時投票，只是為了小伏可以趕及上課。
呢單料八方周街收風，聽聞有外國傳媒揣測小伏已經攞咗美國綠卡，所以可以長期留港，唔知係咪阿松身在夏威夷嘅父母家姐幫小伏申請呢？
傳真︰2623-9278
電郵︰