鄭秀文（Sammi）在電影《無間道》的戲份已拍完，不過導演劉偉強笑言付不起二百萬片酬給Sammi，但他透露現時為止仍未和Sammi傾片酬問題，更笑言她有可能不收錢。
鄭秀文在電影《無間道》中飾演劉德華的女友，故事講述劉德華是一名黑社會成員，滲入警方組織。而鄭秀文正是令劉德華要決定究竟行黑道還是白道的女人，鄭秀文戲份雖然不多，卻是重要的角色。
鄭秀文在《無》片的戲份已拍竣，但是非卻不斷，有指Sammi拍五日戲要收二百萬，開工時Sammi指定要用化妝師阿Zing和髮型師Billy，兩人每日收費要一萬元，另外她亦指定要收費昂貴的余家安做服裝指導，因而引起電影公司不滿，決定加重另一女角陳慧（Kelly）戲份。
對於種種傳言，導演劉偉強昨在電話中說：「一開始就講明呢套係男人戲，劇情集中喺劉德華、梁朝偉、黃秋生同曾志偉身上，女主角嘅角色只係藥引，Sammi同Kelly嘅戲份差唔多，我冇真正計過，總之係相若。」
劉偉強續說：「二百萬根本冇咁嘅事，我亦畀唔起，其實Sammi未同我傾價錢，就已經幫手拍咗呢套戲，我到𠵱家都未畀過錢，亦都冇傾過錢銀問題。另一個傳聞話佢收二十萬，都係傳啫，可能Sammi唔收錢都未定㗎！至於化妝髮型，Sammi都係用番電影公司提供嘅師傅，余家安本身就係呢套戲嘅服裝指導。」
採訪：張止寒