張衞健、蘇永康、葛民輝、孫佳君及袁潔瑩等一班電視劇《齊天大聖孫悟空》演員，前晚到電視城錄影《吾係獎門人》。葛民輝與張衞健大講三級及屎屁等污穢笑話，而蘇永康整晚被取笑受勒戒事件。
電視劇《齊天大聖孫悟空》的一班演員，前晚在電視城為《吾係獎門人》錄影。葛民輝在講笑話環節時，他大爆張衞健放屁瀨屎，葛民輝說：「我同健仔喺橫店拍戲時，佢每次叫roll機都會放屁，試過一次佢叫roll機又放屁，強勁到連屎都標埋出嚟，要即刻返酒店沖涼。」
張衞健被爆瘀事後，他亦不放過機會大講有味笑話，主持錢嘉樂出題目考他，題目是：「做動作叫正在打牌的女友不要打一索及二筒」，健仔先示意不要打一索時，他指着自己下體不斷說：「唔好打，唔好打。」誰知到二筒時，他亦是指着自己下體。錢嘉樂問健仔為何做此動作，他解釋說：「一索下面咪係二筒囉。」惹得全場大笑。
至於《齊》劇在香港未播出就已有VCD賣，健仔謂以往《小寶與康熙》都有同樣情況，收視依然高企，所以他絕不擔心。
另外，蘇永康前晚由出場至結尾都因勒戒事成為笑柄，首先健仔介紹他出場時說：「快啲介紹啦，趕住去勒戒呀。」後來錢嘉樂又以「重獲新生的蘇永康」來形容他，康仔仍笑容滿面。反而到估字遊戲時，梁漢文看到題目是「陳雅倫」，他即對康仔說：「你個仇人呀，你好憎嗰個人。」康仔馬上大叫陳雅倫名字，事後康仔不願再談仇人是否陳雅倫。
採訪：卓美娟
攝影：陳烱威