十蚊新紙幣出爐，唔知係咪呢張「花蟹」設計太新，有部份人唔多接受，且前日忽然出街，事前全無公布，惹來些少非議。但八方知道，「悄悄發行」正是金管局的刻意安排。
發行新紙幣有兩種做法，一種盡量高調，等全世界都知；另一種就低調，透過銀行慢慢滲出街，大家收到至知。
頭一種方法好處係可以令新銀紙認受性提高；後者則可避免混亂、排長龍爭換靚號碼、唔夠分；金管局最終選咗後者。
其實早在慶回歸時，新紙幣式樣已廣泛曝光，上周五登憲報委任滙豐幫手分發，《蘋果》已報道話新鈔一兩周內面世，大多數人應該有晒準備，但最後啲人都唔認得呢隻「花蟹」。
（圖）大家認住「花蟹」個樣啦！
傳真︰2623-9278
電郵︰