馬會選董事當晚，去元朗大榮華食飯，見到隔籬房有個任律師請客，原來係任錦光，然後就見到任志剛出現。哦，原來係自己人食飯，唔怪得馬會開會選新董事都唔見任總現身啦！聽講任家都幾鍾意入元朗，前一晚任關佩英至去過，跟住又到佢兩兄弟。
Mr.Source挑事端
講起任總，大家應該重記得早前不斷有風言風語，話有人同任總不咬弦，想迫佢走，使手段削佢左右手、派自己人入去架空佢、以及攞番外滙資產自己管等等。以上傳聞，當然係《南華早報》專欄《MONITOR》主筆JakevanderKamp所指嘅一類「Mr.Source」傑作。於是，另一方照辦煮碗，透過傳媒局對手表態。搞到梁錦松趁歡送港大校長戴義安時澄清傳聞；任志剛隨即發聲明，大家一齊話「合作愉快」。
呢場show本來圓滿落幕，但八方聽到一個古仔。就係Mr.Source召咗原本收料之傳媒去訓斥一頓，話佢哋亂講嘢誤事，件事搞到去老闆處，據說傳媒大亨非常不滿，最後點收科呢，八方就唔知喇。
傳真︰2623-9278
電郵︰