張栢芝與謝霆鋒復合後，前日到新城接受訪問時表現風騷。她昨日到商台時亦相當雀躍，心情靚絕。未知是否受霆鋒影響，栢芝透露近日正學彈鋼琴，希望成為一個創作歌手，並作歌給一個她珍惜的人唱。
張栢芝和謝霆鋒幾經波折後終復合，她昨日到商台接受《樂人谷》節目訪問，不時高聲大笑，更在直播室的布景板後換衫，心情極佳，與早前盛傳與霆鋒分手時的歇斯底里，可謂判若兩人。
未知是否受到霆鋒的薰陶，栢芝近日正學習彈鋼琴，還希望作一首歌給一個自己珍惜的人，她說：「呢個人好可能係我兩個細佬是旦一個，因為佢哋𠵱家都學緊唱歌跳舞，應該係畀我個大細佬嘅機會大好多。」
記者問栢芝假若她兩位弟弟都不加入娛樂圈的話，她所作的歌曲會否送給霆鋒？栢芝即時笑笑口地說：「到時你哋睇吓邊個唱我首歌，就知作畀邊個囉。」
對於有周刊指栢芝因為事業走上末路而放假，她說：「我覺得自己衰在少見人，因為我近來嘅工作都係喺內地，可能因為咁，就畀啲不良周刊話我末路。我嚟緊又要拍戲又要出碟，都唔知點放大假。加上我係一個工作狂，其實之前有啲嘢可以唔做，不過我覺得好吸引，所以就犧牲咗自己嘅假期。」
此外，日前環球唱片公司高層陳少寶聲言不准旗下歌手與蕭正楠合照，屬環球旗下的栢芝對此表示不知情，她說：「少寶冇親自同我講喎，係咪一定要咁做㗎？其實我認為新人未必係想去攝位，可能咁啱個台太多人郁唔到啫。我之前錄《勁歌》都有同蕭正楠打招呼，總之我唔會刻意迴避同任何一個人合照。」栢芝最後更透露近日聘請了一位相識十多年的好友為助手，二人每晚都會共眠。
採訪：李珮洳
攝影：何國豪