SONY喺數碼相機市場有一專攻高倍數變焦嘅系列，如F505及F707等機種，最新公布一新成員加入呢個系列，型號名為DSC-F717，淨睇機名已經知道係F707嘅強化版，而當中最大改良係相機反應，起動時間僅需1.4秒，而每張相片由擷取至儲存則達到1.9秒。第二大改良係傳輸介面，除對應藍芽外，重採用USB2.0接駁介面，據官方網頁稱比舊介面快近1.5倍，相信只係採用USB2.0HighSpeed而非FullSpeed，否則傳輸速度將會更快。光學變焦為五倍，有效像素達500萬，其夜間拍攝機能亦有改良，預計10月12日在日本推出，預計賣價為12萬日圓（約港幣$7,800）。
記者：徐影龍
官方網址：