「龍匯一百」首屆華人青年領袖論壇噚日揭幕，有一百位來自世界各地的優秀華人學生，齊集香港，過兩日會去上海訪問。活動係由「龍傳基金」主辦，基金董事局主席係方心讓爵士，當然請到唔少猛人畀面捧場，例如梁振英、何志平、李麗娟、黃至剛等。
李麗娟身為民政局常任秘書長，去親邊都戴住代表香港嘅飛龍襟章，噚日可能見戴得多覺悶，想搵啲新嘢搞，於是一口氣戴咗兩條飛龍上身，笑稱自己係「雙龍出海」。不過原來想咁樣玩吓新花款，契媽都問准過煲呔先敢做，梗係啦，飛龍代表香港，點可以隨便開玩笑？
薑都係老嘅辣，方心讓爵士上台時行動不便，梁振英同何志平都唔敢怠慢，一左一右攙扶住方老。
方老之後一步步行去致辭，對住幾百嘉賓學生，第一句就係：「Letnodisabilitiesbeahandicap」（不要讓殘疾成為障礙），即刻博得全場熱烈掌聲。
傳真︰2623-9278
電郵︰