老董噚日一臉凝重，為下屬梁錦松、馬時亨開脫，力稱佢哋無須為仙股風波負責任，八方睇佢個樣，真係好無奈。
好多人以為馬仔點都會道吓歉，say聲sorry，點知乜都欠奉，只係聽到馬仔四周圍打電話同班時事評論員話接受一切批評，又強調個報告已經leftnostoneunturned（乜都睇晒），都冇話佢有錯。
阿董咁慘，好彩有人呵番佢，皆因政協、人大和原籌委，噚晚喺港島香格里拉酒店嘅「天窗廳」，擺酒賀佢第二屆連任。之前都報道過，話每人科款七百幾蚊，就可以出席慶一番。
可惜呢個聚會非但冇打開天窗說亮話，重搞到鬼死咁「機密」，拒絕傳媒採訪，連門口指示牌都唔敢光明正大地寫明宴會名。睇嚟呢個「天窗」，只係向佢哋圍內而開。
傳真︰2623-9278
電郵︰