本地時裝品牌Moiselle歷年來喜用明星做代言人，而蔡少芬成功以七位數字獲得續約，站穩其亞洲區代言人身份。她最近為Moiselle拍攝平面廣告，以不同民族打扮造型，有的散發波希米亞風情，又大玩黑色野性，甚有模特兒型格。
蔡少芬（Ada）近日成功以七位數字獲本地時裝品牌Moiselle續約，第五年成為Moiselle亞洲區代言人，她早前更於Moiselle老闆陳欽杰夫婦位於半山的四千多呎豪宅，拍攝最新一輯冬季平面廣告，更找了陳慧琳御用髮型師Nichol來設計造型。
Ada當日展示不同造型，例如一些極具民族風情的波希米亞look，亦有一些充滿野性的黑色喱士晚裝。Ada對於自己的表現十分滿意，她說：「雖然今日係夏天着冬天衫，所以特別辛苦，之前嗰晚已經失眠，要諗吓啲相點影。因為做代言人同做藝人有唔同嘅壓力，影呢一類型廣告，要當自己係model，要用好多眼神同姿勢嚟表達，要好有自信心，同自己講個個都要讚我靚女。」
此外，Ada表示做代言人亦有另一種壓力：「做代言人要付出的血汗可能比拍戲更加多，要成日提醒自己由身形到皮膚都要keep住最好狀態示人。」至於今次廣告有不少野性造型，Ada表示不會抗拒：「我唔會特別抗拒性感，只要個概念係靚而唔係cheap就得。」