今天九一一周年紀念日，正是一九六二年出生的黃慧玲四十歲生日。憶起去年今日，透過電視新聞看到飛機撞向世貿大樓，「點會係真㗎，以為攞咗邊齣戲嚟播！」沉浸當日歡慶之中的她表示簡直難以相信。
「以為世界末日來了，估唔到堂堂一個大美國，都會畀人蝦！」在她印像當中，美國向來都是扮演世界警察的強國角色。「只有佢幫人，𠵱家連佢自己都有事，呢個世界真係唔知點算。」現時任職審計員的她，對於拉登破壞世界經濟秩序恨之入骨。
全世界都為九一一哀悼，在當天生日的黃慧玲深覺自己好像虧欠這個世界。「我都唔想喺嗰日生日。」她表示，自己以後再也不敢在如此敏感的日子慶祝，免得使人觸景傷情。「我諗以後都唔會向人提起我係嗰日出世，不過好彩中國人都可以有兩個生日！」她說以後會改在農曆生日慶祝。
記者：陸羽平