早前有高人指點八方，話伏明霞一定唔會重返清華；未幾傳出佢想轉校讀中大。到底小伏係幾時遞交申請表呢？負責此事嘅中大商學院學科副主任張偉雄同八方講，佢成個八月都返咗大陸面試申請來港嘅內地生，之後又去咗美國，所以冇機會返港清理文件，總之，梁太份表格一定係九月前遞交喎。
今年中大收嘅三十幾個內地生九月十六日會來港開學，至於小伏則最快明日決定收唔收佢做特別生。
張偉雄話保證唔會因為小伏係財爺夫人而特別關照，亦冇領導人、包括前校長李國章向佢施壓；考慮收生因素只有三項：1．申請人之前讀嘅學校聲譽（清華肯定夠班）；2．申請人嘅成績，張偉雄話：「伏明霞係個好學生！」；3．有冇科目適合申請人報讀。
咁睇，都收梗啦！
傳真︰2623-9278
電郵︰