小小超李澤楷係「鑽石王老五」，佢日前出席一個晚會重強調自己𠵱家感情一片空白，叫記者有靚女介紹可以電郵畀佢咁話。
小小超噚晚七點幾，着住整齊西裝，拖住件手提行李喺赤鱲角機場嘅抵港大堂出現（圖），八方走埋去打招呼，佢話：「啱啱喺國內公幹完返嚟。」問到係咪北京時，小小超就笑笑冇答。再問佢𠵱家係咪真係冇女友，佢就幽默咁話：「你話上次嗰個係咪係囉！」
呢排小小超次次見記者都好合作，佢噚日重企定定畀記者影相，然後就話：「影夠未，我要返屋企食飯，你哋唔使食飯咩？」小小超跟住就拖住手提行李離開，但佢身邊竟然係冇保鑣。
傳真︰2623-9278
電郵︰