記得李嘉誠○一年曾經講過，對新加坡非常有好感，更透露自己喺新加坡有居留權，所以會鼓勵公司喺新加坡投資。唔知係唔係近幾年港人對超人嘅「怨氣」愈來愈深，令誠哥愈發喜歡新加坡，既增加喺當地嘅投資，更大力捐款。八方噚日得知，原來李嘉誠捐出約8700萬港元畀新加坡管理大學，係當地高等教育機構歷來獲得最大筆嘅捐款。
長實執行董事趙國雄更代表李嘉誠將捐款送到新加坡管理大學，這筆捐款將分為兩部份，其中約6700萬用嚟興建大學圖書館，其餘約2000萬則成立獎學金。為咗表揚誠哥咁慷慨，圖書館及獎學金都以李嘉誠命名。趙國雄重喺新加坡說，由於當地經濟復元，將有利商業及住宅物業投資，故長實計劃擴展在新加坡的投資，積極吸納當地嘅土地。
傳真︰2623-9278
電郵︰