羅嘉良及宣萱這對緋聞男女，昨日與林峯、葉璇及向海嵐等到尖沙嘴出席新劇《流金歲月》試映會，羅嘉良與宣萱昨日顯得毫無芥蒂，有傾有講之餘，羅嘉良亦大方搭着宣萱的膊頭合照。
提到李文彪前晚在《星光熠熠耀保良》中衝上台一事，羅嘉良說：「我睇報紙先知，我記得十年前同佢合作拍過《黃重陽》，有幕戲係一齊冚住棉胎㗎，之後好耐冇見冇聯絡，我對佢都冇乜印象。」
至於宣萱則說：「我噚晚睇咗五分鐘電視，啱啱睇到，我覺得司儀執生好犀利，如果俾我實嚇窒。」此外，林峯簽約新藝唱片公司後，原本有傳他會於今年出碟，對於黃柏高過檔一事，林峯說：「都唔關我事，我會花多啲時間拍劇。」