唔少人覺得大多汽車代理反應唔夠快，好多有瞄頭嘅新車款，都會畀班水貨車行捷足先登咁話。查實，有時做代理商事前做咗唔少預備功夫，又未必為車迷所知曉呢！就好似保時捷部Cayenne四驅SUV咁，未面世經已教唔少車迷為之注目，而香港早前重經已有班準買家落晒訂，只係等新車到港㖭！然而，呢部Cayenne快者都要明年初方會正式登陸香港，皆因現時位於長沙灣嘅PorscheCentre，由於係早年嘅建築，對於屬龐然大物嘅Cayenne，竟然無法進出自如；亦因為咁嘅緣故，保時捷代理早前透過捷成洋行，收回喺柴灣出租畀太古嘅物業，用作日後呢款Cayenne嘅專用維修中心㖭！由於粉飾需時，相信年底前新ServiceCentre完工，正好係Cayenne到港嘅好時機喇！