甚受傳媒歡迎、有萬能博士之稱嘅劉兆佳教授，加入政府中央政策組之後，果然令政府耳目一新。佳叔唔單止自己冇收口，傳媒搵佢就繼續口水噴噴，重帶動埋整個政府接受開放嘅新文化。政府高官都對佳叔讚不絕口，因為每次早禱會、集思會，無論講乜話題，佳叔例必有嘢講。呢樣對一向僵化依本子辦事嘅官僚體制係一大衝擊，亦令班高官大開眼界，原來可以咁諗嘢！
好多官場老友同八方講，好鍾意同佳叔傾偈，睇吓佢有乜新鮮諗頭。八方問番佳叔，知唔知自己好受歡迎，佳叔竟然好老實咁話「我知呀！」
大家又真係要服吓佳叔，每次長篇大論都言之有物，夠大家報道交差。
傳真︰2623-9278
電郵︰