向華強太太陳嵐前晚到尖沙嘴出席「星雲大師佛學講座2002年慈善齋宴」，作為張栢芝經理人的她被問到栢芝是否放大假陪謝霆鋒？她說：「我哋安排咗好多嘢畀佢做，最快要下個月先放得。」
至於有指栢芝放假是為做喉嚨手術，向太則說：「佢工作嘅時間配合唔到做呢樣嘢，因為我老公都割過，割完之後一個月唔講得嘢㗎。」
至於栢芝與霆鋒復合的消息，向太說：「你問我我問邊個？我都覺得好撲朔迷離，以佢哋性格亦會認，我做經理人都冇得反對。人生流流長，唔會只拍一次拖就成功嘅。」問向太覺得栢芝與霆鋒是否合襯？她說：「栢芝咁靚女，同邊個都襯，同古仔都好襯呀。」至於有指栢芝聲勢下跌，出碟宣傳比新人麥浚龍還少，向太則說：「栢芝出嘅係細碟，聽講佢（麥浚龍）出錢自己製作同宣傳，環球只係發行。」
採訪：梁錦雯
攝影：陳炯威