無綫前藝員李文彪前晚大鬧《星光熠熠耀保良》，並稱無綫「迫儍佢」，他昨日又重遊無綫電視城，可是卻被拒諸門外。李文彪昨日對自己的行為表示歉意，更謂自己前晚根本沒有入場券，只表示想捐錢便可上台。
現年三十八歲的無綫前藝員李文彪前晚突然到紅館，並在節目《星光熠熠耀保良》進行中，上台大鬧一番，聲討無綫。無綫一度報警求助，而李文彪則稱跟無綫的保安在糾纏間受傷，更自行到九龍塘浸會醫院留醫。
李文彪不滿多年前因拍《灰網》和《群星會》受傷後，不再獲無綫續約，他前晚硬闖《耀保良》，並公開宣洩心中的不忿。他前晚在浸會醫院留醫，戴着頸箍坐在輪椅上對記者說：「好多演員都受過傷，余綺霞都死埋，我身為圈中人，好多人識我，我視呢行係終身職業。」李文彪可覺自己大鬧幕前行動成功，他說：「我諗佢哋𠵱家震過『貓王』，我想同無綫溝通啫，但呢十年我不停打電話畀陳灌明（無綫製作資源部藝員分部助理總監），佢一路都拖住。」
李文彪表示當年無綫有負於他：「我為佢哋上刀山，落油鑊，如果係儍都係佢哋迫儍我。」對於這次行為的目的，李文彪說：「我想有工開同大家記得我。」
李文彪昨日接受商台《茶煲裏的查篤撑》電話訪問，就他在沒有人阻攔下成功上台，他說：「用成功好似好嚇人，講到好似特務咁，其實我好有心入到場館表達啲嘢，想以一個輕鬆、開玩笑嘅形式同觀眾溝通吓。呢幾年我有喺上海拍過電視劇，喺大馬拍過電影，但當年受傷時嘅畫面重喺度。」
為何能輕易走到台上？他則說：「呢個係一個好大嘅美麗誤會，我係冇飛嘅，一進場話捐錢就可以入到去，重有人招呼我。我準備上台之前，只係同個女仔講我係捐錢，想呢個break上台，佢就畀我上
李文彪昨日思前想後，為自己前晚大鬧幕前的行為致歉，更親到無綫電視城，得到無綫外事部助理總監曾醒明和宣傳科經理蘇燦榮接見，但由於電視城保安嚴密，拒絕讓李文彪進入。李文彪甫見曾醒明即說：「我噚晚只係想用輕鬆形式搞吓氣氛，但係冇時間講晒啲嘢出嚟。噚晚嘅嘢係一個美麗誤會，我希望向保良局、無綫保安同三位司儀公開道歉。」
曾醒明則說：「其實你有乜嘢傳達都可以有好多渠道，唔使喺慈善騷咁做，但我哋會代為傳達有關訊息。」李文彪之後又要求進入電視城的餐廳吃東西，可是曾醒明以李文彪沒有證件或訪客登記為理由婉拒，結果李文彪在電視城門外逗留了一會，才折返浸會醫院休息。
問到李文彪跟胡櫻汶的關係，他說：「我哋分咗手，原因係唔想累人。當年受傷，佢都好照顧我，好偉大，因為咁累佢冇咗份工，我唔想再連累佢。」至於現階段的經濟狀況，他說：「我之前做華娛電視，都有積蓄，但坐食都會山崩。」李文彪不時強調一切行為並非向無綫索取當年工傷的賠償，只是希望可以再得到無綫重用，復出幕前。而華娛前揸弗人蔡和平的太太昨日則謂：「李文彪一直都冇工作，上年佢曾發生交通意外，傷咗條腰，之後就約滿華娛。」
而無綫電視助理總經理陳志雲昨日亦就有關事件回應，陳志雲說：「噚日李文彪係喺廣告時間，利用場務員倒數呢段空隙，可能佢本身有演出經驗，將預先嘅計劃，用電腦打印上有TVBlogo嘅稿紙遞畀工作人員，佢亦都係有計劃地上台表達佢想表達嘅嘢。」
此外，李文彪前晚大鬧《耀保良》，當時的時段有二十三點收視，即有一百五十一萬名觀眾收看，而全個節目平均收視亦是二十三點。
採訪：汪正文、王連連、陳梅香
攝影：仇志德、陳烱威