人氣組合Cookies昨日於沙田新城市廣場舉行簽名會，而唱片公司亦宣布由成員Stephy出任Cookies的隊長。Stephy感動得淚如雨下，十足港姐加冕一樣。
九人女子組合Cookies昨日於沙田新城市廣場舉行簽名會，吸引了大批市民圍觀，而排頭位的歌迷更等候了超過十二小時。會上唱片公司的工作人員宣布由現年十八歲的Stephy出任Cookies的隊長，並頒發曲奇權杖及哨子給她，令Stephy開心得流下眼淚。
對於今次當選，Stephy說：「我係上到台先知，真係好感動同開心，佢哋（其他成員）一定唔會妒忌我。」而Cookies另一成員Elaine亦謂Stephy實至名歸，她說：「佢嘅努力大家係睇到㗎，我都有偷懶，而且領導能力又低，隊長唔啱我。」
早前曾拍三級片的成員Angela，被問到會否害怕形象受損，影響公司挑選隊長時則說：「唔會，我入Cookies之前公司都知道。」問到曾跟EO2成員傳緋聞的Serena，會否害怕受緋聞影響時，她說：「唔會，啲緋聞係假嘅，係我自己唱歌同跳舞唔夠完美。」
此外，有雜誌稱Cookies為「九餅」，問Cookies成員Gloria會否介意，她說：「唔會，我哋事實係九曲奇餅，就算喺街度有人咁叫我哋都會應。」
採訪：汪正文 攝影：陳烱威